Poetry SMS
Beautiful poem on today’s fast life. “WAQT NAHI”
March 13, 2013 By
0

Har khushi hain logo ke daman me,
par ek hasi ke liye waqt nahi.

Din raat daudti duniya me,
zindagi ke liye hi waqt nahi.

Saare naam mobile me hain,
par dosti ke liye waqt nahi.

Gairon ki kya baat kare,
jab apno ke liye hi waqt nahi.

Aankhon me hain neend badi,
par sone ka waqt nahi.

Dil hain ghamo se bhara hua,
par rone ka bhi waqt nahi.

Paiso ki daud me aise daude ki,
thakne ka bhi waqt nahi.

Paraye ehsaso ki kya qadar kare,
jab apne sapno ke liye hi waqt nahi.

Tu hi bata aey zindagi,
is zindagi ka kya hoga.

Ki har pal marne walo ko,
jeene ke liye bhi waqt nahi..!!

Write your comment here ...

Leave a Reply